O le taeao nei sa tuunina mai ai le faaiuga o le Faamasinoga o Talosaga Apili a Samoa, ma faamaonia ai lo latou teena o le talosaga apili a le Afioga ia Toelupe Maoiautele Poumulinuku Onesemo, ina ia toe iloilo le faaiuga na tuuina mai e le Faamasinoga Maualuga, lea sa faalēaogaina ai le nofoa o Falealili 1 ona o faiga faasolitulafono (bribery).
E toatolu ni Faamasino mai fafo sa latou iloiloa le mataupu, o Justice David Harrison, Justice Christine Asher ma Justice Brendan O’Regan. Sa latou lauina mai le faaiuga i luga o le video link i se potu faamasino i Mulinuu.
Ua faamaonia e le Faamasinoga o Talosaga Apili le faaiuga sa tuuina mai e le Faamasinoga Maualuga ia Mati o le tausaga nei, lea sa faaleaogaina ai le nofoa o le Faleālili 1 i le Palemene.
O uluai faamasinoga i na tulai mai, ina ua faaulu se talosaga a Tuiloma Laneselota Lameko lea sa tauva ma Toelupe i le faigapalota o Aukuso 2025.
Sa tuuaia ai i mau a Toeulupe, le tuuina atu o se tupe e $150 tala a se tasi o komiti a Toelupe, i se ulugalii i le po, ao le aso e sosoo ai le faigapalota o Aukuso 2025.
I le fofogaina o le faaiuga sa tuuina mai ai e Faamasino, e le’i lava mau na tuuina atu e loia a le Afioga ia Toelupe, e finauina ai le aafia o ona aia tatau i le faagasologa o suesuega a le Faamasinoga, faapea ma tuuaiga e le’i amiotonu gaioiga sa fai e Faamasino, lea sa faavaeina ai le laua faaiuga.
“[101] It is plain that the drafters of the Electoral Act in giving the Supreme Court inquisitorial powers regarded the impartial and vigorous investigation of election fraud as essential to the democratic process. The actions of the Supreme Court in this instance were appropriate and met that intention exactly.”
“[102] Mr. Onesemo’s application for a declaration that the decision of the Supreme Court dated 24 March 2026 breached his constitutional rights and for the quashing of that decision is dismissed, with the result that the Supreme Court must now submit its statutory report to the Speaker.”
Ua faapea mai foi le faaiuga sa lauina i le taeao nei, o le a logoina loa le Afioga i le Fofoga Fetalai, e tusa ai ma le tulafono o Faigapalota.
O lenei faaiuga ua avanoa ai loa le nofoa o le itumalo o Falealili 1 i le Palemene, ma toe saili ai so latou sui mo le Palemene I se palota laititi.
O le Afioga ia Toelupe e mamao le va sa malo ai o ia i le faogapalota o Aukuso 2025. Lea sa lata ai i le 400 palota na manumalo ai ia Tuiloma Laneselota Lameko.
Avanoa Faigaluega
Post Views: 1,158
