La’a i totonu o le malae ma le sapelu se tasi o le au tapua’i a Vaimoso

E lē o tama taaalo, ae o le au tapua’i lava e tele ina vevesi ai faagatama i Samoa nei. Ina ua ili le faaili a le laufali e faamae’a ai le taaloga talitā a le Taula Apia Rugby Union, sa vaaia ai se tasi o le au tapua’i a Vaimoso i totonu o le malae lakapi, o ia u’uina se sapelu.

Acknowledgement and Sincere Appreciation to Senior Counsel: Afoa Lagaaia Fetuliai Lagaaia

Mamao le Manumalō a Lautimuia i le Palota Laititi a Vaimauga 3

E 22 -10 ai o le taaloga sa manumalo ai le Kalapu Lakapi a Malisi (Marist Rugby Club) i le au a Vaimoso i le taaloga o le talitā.

Na se’ia ai loa e Malisi le talitā a le taamilosaga o le Taula Apia Rugby Union i le asō mai le kalapu a Vaimoso.

Vaimoso Skipper hands over the Taula Apia Rugby Union shield. Photo: Grace Pouoa SGN.

O se taaloga mata’ina i le vā o nei kalapu ua lauiloa i taamilosaga lakapi a Samoa. O le au lakapi foi a Vaimoso o loo malu i le tapuaiga mau a le paia o le afioaga.

Peitai, ina ua ili le faaili a le laufali e faailoa ai ua mae’a le taaloga, ma mautinoa ai le se’ia o le talitā a Vaimoso, sa vaaia ai loa le laga atu o le au maimoa i luga o le malae.

Sa vaaia se alii sa ia tapua’ia le au a Vaimoso, o loo savali atu i totonu o le malae ma se sapelu, se’i tulou.

O loo taumafai ni alii se toalua e aveese mai le sapelu o loo uumia e le tasi o au tapuai a Vaimoso. Photos: Grace Pouoa, SGN.

E toalua ni tama sa lā taumafai e taofiofi mai lea alii, ma lā taumafai e aveese mai i ona lima le sapelu.

Sa valaau mai i luga o le faaleotele leo (speaker) sē tasi o Sui o le Komiti a le Taula Apia Rugby Union, ina ia ō i tua le au tapuai a Vaimoso. Ae peitai, sa vaaia pea lo latou laga mai i totonu o le malae.

Sa valaau mai se tasi o le au maimoa; “Vaai se mea e kami ai le kou kaavale,” e fai agai i le au a Malisi.

Ae o le isi alii ofu paepae sa vaaia se paipa na uu i lona lima, ma tamoe atu faaaoga le paipa e sasa ai tama taaalo a Malisi.

This guy ran in holding a white pipe-like stick, and used it to attack players. Photos: Grace Pouoa, SGN.

Vave ona Toe To’afilemu

Fealofani tama taaalo ma fai faatasi le faigalotu ina ua uma vēsiga ma toe ō i tua o le malae le au maimoa.

Ina ua toe mafai ona faatoatoa le vevesiga ma ō atu i fafo mai le malae le au maimoa, sa mafai lava ona toe faatino le faigalotu faatasi a au e lua, e pei ona masani ai taaloga lakapi i Samoa nei.