“O loo fai pea ma update i aso taitasi ma le afioga i le palemia o lol manuia lava ma oloo sologa lelei le faasologa o ana togafitiga.”
O le saunoaga lea a le afioga ia Mulipola ina ua fesiligia e tusitala poo le a se tala lata mai i le si’igā gasegase a le taitai o le atunuu.
Saunoa Mulipola, e leai se tulaga e ono fa’apopoleina ai le atunu’u, pau le talosaga, ia tapuā’ia ma tatalo ma anapogi i LeAtua, ina ia fa’afo’isia le malosi o le Ta’ita’i o le Mālō, auā le toe taliu mai ai i fanua, mo le fa’aauauina o ona tofiga ma valā’auina fa’alemālō.
O le vaiaso na tea nei na faamaonia mai ai e Mulipola i tusitala o siaki masani ua leva ona tatau ona faatino faapea ai to’atugā i se vaega o lona fatu agai i lona māmā
“O tulaga masani lava ia ina ua fai foi ana siaki ia ua leva ona overdue lana faigamalaga e tatau ai ona siaki lona aao lea sa taoto muamua ai. A’o isi vaega lea sa siaki iinei na maitauina ai e iai nai to’atugā i le vaega o le valve o lona fatu, agai i lona māmā.. Atonu o vaega ia lea sa iai le faamaoniga a le tatou Kapeneta o le a medivac i fafo.”
O lo’o fa’aauau pea ona tau’ave e le afioga iā Mulipola tofiga o le Ta’ita’i o le Mālō (Acting Prime Minister) i le taimi nei a’o toesea ai le ta’ita’i o le atunuu
Post Views: 100
