Ua tuuina mai e le Sui Tauva mo le faigapalota laititi a Vaimauga 3, le afioga ia Lautimuia Uelese Vaai, e lē faavaea le mau lea e faapea ai: a lē auai le Sui Faipule a se itumalo i le vaega faaupufai o loo tula’i mai, o le a lē maua ai lea o ni faamanuiaga.
Na saunoa lē sa fai ma Minisita o Tupe a le Malo, i se polokalame faalauiloa i luga o upega tafailagi ao loma le faigapalota laititi.
Saunoa Lautimuia, o se mau e vaivai tele ma lē ogatasi ma faigafaavae o pulega lelei o Malo faatemokalasi.
“O le mau lea e aumai faapea – afai e alu le Sui Faipule i le itu e agaia le Malo pe tutoatasi foi, ona lē maua lea o faamanuiaga mo le Itumalo.. O se mau e lē faavaeā ae lē faamaonia foi, ma o se mau e vaivai tele lenei mau..”
“E fa’avae la’u faamatalaga i le tulaga lea.. So’o se faigamalo e tula’i mai, e fa’avae ana faiga fa’avae i luga o pulega lelei – good governance principles… lea e fa’avae ai faigamalo faatemokalasi..”
“Manatua o le fa’avae o le tatou atunuu e fa’avae i luga o le faakerisiano..
“O le faakerisiano la, e temokalasi ma base i luga o principles of good governance, e fa’avae ai faiga fa’avae a so’o se Faigamalo e tula’i mai.”
Saunoa Lautimuia, e tutusa manuia mo tagatanuu uma lava o le atunuu, mai itumalo uma fo’i o le atunuu.
“O le faasoa o le Malo, o le lufilufiga ona tamāoaiga mo le manuia mo tagata, ina ia tutusa uma tagata..
“O le mau lea e aumai faapea, se’iloga e alu le itumalo i le vaega o loo tu nei mo le Malo faatoa maua lea o faamanuiaga… O se mau e vaivai tele lenei mau.
“E lagona lava lo’u faanoanoa i le mau lea.”
Saunoa Lautimuia, sa ia saofai i totonu o le Kapeneta, ao ia tauaveina le tofiga Minisita o Tupe a le atunuu.
“O le lufilufina ma le fa’asoa o le tamāoaiga o le atunuu mo le atunuu, e le fa’avaeina i luga o vaega faaupufai..
“E fa’avae i luga o principles of good governance. E fa’avae foi i luga o le tulafono. Ma e fa’avae i luga o faiga fa’avae faatemokarasi – e tutusa manuia mo tagata uma.”
Saunoa Lautumuia, o le pine faaamau, o le poloketi faaitumalo, lea e manuia ai le atunuu atoa.
“O lea lava e tufa tutusa i itumalo e 51 a le atunuu.”
E le o faapea e na’o itumalo o afioga o Alii Faipule o loo tula’i nei i le Malo. O lea ave ai le faamanuiaga lea, o lea e tufa tutusa uma..”
“E oo foi i le mea lea ua alu ai nei le $150 mo le faamanuiaga o le toe a’e ai o fanau i3le aoga, lea e tufa tutusa uma i tagata o le atunuu.’
“O le pine fa’amau lea”.
Post Views: 1,188
